ಬೇಕಲ ಕೋಟೆ

ನಮ್ಮೂರಲ್ಲಿ ತುಂಬಾ ಆಕರ್ಷಣೀಯವಾದ ಹಾಗೂ ಬಹುತೇಕ ಅನ್ಯ ರಾಜ್ಯವಾಸಿಗಳಿಗೆ ಗೊತ್ತಿರುವ ಪ್ರೇಕ್ಷಣೀಯ ಸ್ಥಳ ಬೇಕಲ ಕೋಟೆ.

ಸಸ್ಯ ಶ್ಯಾಮಲೆಯಿಂದ ಸಮೃದ್ಧಿಗೊಂಡ ಗಡಿನಾಡು ಪ್ರದೇಶದಲ್ಲಿರುವ ಈ ಕೋಟೆ ಕೇರಳದಲ್ಲೇ ಹಿರಿದಾದ ಕೋಟೆ. ಸುಮಾರು 40 ಎಕರೆ ಪ್ರದೇಶದ ವ್ಯಾಪ್ತಿಯಲ್ಲಿ ತನ್ನ ಬಾಹುಗಳನ್ನು ಚಾಚಿಕ್ಕೊಂದು ಈ ಕೋಟೆ ಹಿರಿಯ ವೆಂಕಪ್ಪ ನಾಯಕನಿಂದ ಆರಂಬಿಸಿದ ಶಿವಪ್ಪ ನಾಯಕನ ಕಾಲದಲ್ಲಿ ಅಂತ್ಯ ಗೊಂಡಿತೆಂದು ಇತಿಹಾಸ ಹೇಳುತ್ತಿದೆ.

ಸಮುದ್ರಕ್ಕೆ ತಾಗಿಕ್ಕೊಂದು ಇರುವ ಈ ಕೋಟೆಯು ಸಂದರ್ಶಕರನ್ನು ಖಂಡಿತವಾಗಿಯೂ ಆಕರ್ಷಿಸುತ್ತದೆ. ಪಕ್ಕದಲ್ಲೇ ಇರುವ ಸಮುದ್ರ ತೀರವು, ಜೇನುನೊಣ ಮಧುವನ್ನರಸಿ ಹೋಗುವಂತೆ ಜನರನ್ನು ತನ್ನೆಡೆಗೆ ಕೈ ಬೀಸಿ ಕರೆದು ಮನದುಂಬಿ ಕಳಿಸುತ್ತಿದೆ...!