ಇರುಳ ಸುಖ

ಎದೆಗೊಂದು ಮಗು ಅವಚಿ, ಬಸ್ stand ನಲಿ ಕೈ ಚಾಚಿ
ಮೈ ಎಲ್ಲ ಗಬ್ಬೆದ್ದು, ಕೊಳಚೆಯಲಿ ಮಲಗೆದ್ದು
ನರ ನಾಡಿ, ಹೃದಯದಡಿ ಇರುಳ ಸುಖ ಉಂಡವರಿಗೆ
ಶೇರ್ ಮಾರ್ಕೆಟ್ ಸೆನ್ಸೆಕ್ಸ್ ,ಗ್ಲೋಬಲ್ recession
ಮರುಕ ಬರಿಸುವುದೇ...?

ನಿನ್ನೆಯಾ ನೆನಪು ಮಾಸದಾಗಿದೆ
ನಾಳೆಯಾ ಕನಸು ನೋಡದಾಗಿದೆ
ಇಂದಿನಾ ಹಸಿವು ಕಾಣುವುದೇ ಕಣ್ಣಿನಲಿ
ಹಸಿವು ಕಣ್ಣಿನಲೊ, ಮಣ್ಣಿನಲೋ,
ಸರ್ವಾಂಗದಲೋ ಬಲ್ಲರವರವರೆ...

ಮನವೆಲ್ಲ ಕೆಂಪಿರಲು ತನುವೆಲ್ಲ ಕಪ್ಪಿರುಳು
ಸುತ್ತ ಕಾಣುವುದೇ ಬರಿ ನೆರಳು
ನೆರಳೆಂದು ಕುಳಿತೊಂದು ಸಿಹಿ ನಿದ್ದೆಯಿರಲು
ಅವಚಿಕೊಳ ಮತ್ತೊಂದು ಮಗದೊಂದು
ಸುಖಕೊಂದು ಪ್ರತಿಫಲವಿರಲು...